നീന്തൽകുളത്തിലെ ഇതിഹാസ താരമാണ് മൈക്കല്‍ ഫെല്‍‌പ്‌സ് എന്നതില്‍ ആര്‍ക്കും സംശയമില്ല. ജീവിതത്തില്‍ തിരിച്ചടികള്‍ നേരിടേണ്ടി വന്നുവെങ്കിലും രാജ്യത്തിനായി മെഡലുകള്‍ വാരി കൂട്ടുന്നതിന് എന്നും അദ്ദേഹത്തിന് സാധിച്ചു. റിയോ ഒളിമ്പിക്‍സിലും ആ നേട്ടങ്ങള്‍ തുടരുകയും ചെയ്‌തു.
എന്നാല്‍ പതിനഞ്ചാം വയസില്‍ ഫെല്‍‌പ്‌സ് നല്‍കിയ ഒരു അഭിമുഖമാണ് ഇപ്പോള്‍ കൌതുകമായിരിക്കുന്നത്. 2001 ജൂൺ 1 അഫിലിയേറ്റിന് നൽകിയ ഈ ഇന്റര്‍വ്യൂവില്‍ താന്‍ ലോക ചാമ്പ്യൻ ആകുന്നതിനെ പറ്റിയും ഒളിമ്പിക് അത്ലറ്റ് ആകുന്നതിന് വേണ്ടിയുള്ള ലക്ഷ്യങ്ങളെ പറ്റിയും ഫെല്‍‌പ്‌സ് മുന്‍ കൂട്ടി പറഞ്ഞതാണ് ഇപ്പോള്‍ വൈറലായിരിക്കുന്നത്.