ഈ സീസണ്‍ അവസാനത്തോടെ യുണൈറ്റഡുമായി കരാര്‍ അവസാനിക്കുന്ന സ്ലാട്ടനെ ഡല്‍ഹി ഡൈനാമോസില്‍ എത്തിക്കാന്‍ ശ്രമിക്കുമെന്ന് ഡല്‍ഹി കോച്ച് ജിയാന്‍ ലൂക്ക സാംബ്രോട്ട വ്യക്തമാക്കിയതോടെയാണ് പുതിയ വാര്‍ത്തകള്‍ക്ക് ചൂടു പിടിച്ചത്.
സ്ലാട്ടന് ഇന്ത്യയില്‍ വന്‍ ആരാധകവൃന്ദമുണ്ട്. അദ്ദേഹം ഐഎസ്എല്ലില്‍ വച്ച് കരിയര്‍ അവസാനിപ്പിക്കണമെന്നാണ് എന്റെ അഭിപ്രായം. അതിനാല്‍ തന്നെ സ്വീഡിഷ് താരത്തെ ഡൈനാമോസില്‍ എത്തിക്കാന്‍ ഞാന്‍ ശ്രമിക്കുമെന്നും മുന്‍ ഇറ്റാലിയന്‍ താരം കൂടിയായ സാംബ്രോട്ട പറഞ്ഞു.
അന്താരാഷ്ട്ര ഫുട്ബോളില്‍ ഇന്ത്യ ഉടന്‍ തന്നെ മേല്‍വിലാസമുണ്ടാക്കുമെന്നും അടുത്ത പതിറ്റാണ്ടില്‍ ലോകത്തെ മികച്ച അഞ്ച് ലീഗുകളിലൊന്ന് ഇന്ത്യയിലേതായിരിക്കുമെന്നും സാംബ്രോട്ട പറഞ്ഞു.
