പാരാലിമ്പിക്‌സിൽ വനിതകളുടെ 50 മീറ്റർ റൈഫിൾ ത്രീ എസ്‌എച്ച് 1 വിഭാഗത്തിൽ വെങ്കല മെഡൽ നേട്ടം സ്വന്തമാക്കി അവനി ലേഖറ. വെങ്കല മെഡൽ നേട്ടത്തോടെ ഗെയിംസ് ചരിത്രത്തിലാദ്യമായി രണ്ട് മെഡൽ നേടുന്ന ഇന്ത്യൻ വനിതാകായികതാരമെന്ന നേട്ടവും അവനി സ്വന്തമാക്കി. നേരത്തെ 100 മീറ്റർ എയർ റൈഫിളിൽ 19കാരിയായ അവനി സ്വർണമെഡൽ സ്വന്തമാക്കിയിരുന്നു.
പാരാലിമ്പിക്‌സില്‍ ഇന്ത്യയ്ക്ക് വേണ്ടി ആദ്യമായി സ്വര്‍ണം നേടുന്ന വനിതാതാരം എന്ന റെക്കോഡ് ഗെയിംസിന്റെ ആദ്യദിനങ്ങളിൽ തന്നെ അവനി സ്വന്തമാക്കിയിരുന്നു. പാരാലിമ്പിക്‌സില്‍ സ്വര്‍ണം നേടുന്ന നാലാമത്തെ മാത്രം ഇന്ത്യന്‍ താരമാണ് അവനി. മുരളീകാന്ത് പെട്കര്‍ (1972), ദേവേന്ദ്ര ജജാരിയ (2004, 2016) മാരിയപ്പന്‍ തങ്കവേലു(2016) എന്നിവരാണ് അവനിയ്ക്ക് മുൻപ് ഈ നേട്ടം സ്വന്തമാക്കിയിട്ടുള്ളത്.
