ബാഴ്സലോണ സ്പാനിഷ് കിംഗ്‌സ് കപ്പിന്റെ സെമിഫൈനലില്‍ കടന്നു. സ്പാനിഷ് ഒന്നാം ഡിവിഷനിലെ ലെവന്റെയെ പരാജയപ്പെടുത്തിയാണ് ബാഴ്‌സ സെമിയില്‍ പ്രവേശിച്ചത്.
ഇരു പാദങ്ങളിലുമായി നടന്ന മത്സരത്തില്‍ രണ്ടിനെതിരെ ഒമ്പത് ഗോളുകള്‍ക്കാണ് ബാഴ്‌സയുടെ വിജയം. റയല്‍ മാഡ്രിഡ് നേരത്തെ സെമിയില്‍ എത്തിയരുന്നു. രണ്ടാം പാദത്തില്‍ 5-1-നായിരുന്നു ബാഴ്‌സയുടെ വിജയം. കളിയുടെ ആദ്യപാദത്തില്‍ 2-1ന് മുന്നിലായിരുന്ന ബാഴ്‌സ മൂന്നു ഗോള്‍കൂടി അനായാസം സ്‌കോര്‍ചെയ്താണ് സമ്പൂര്‍ണവിജയത്തിലേക്ക് കടന്നത്.
28- മിനിറ്റില്‍ അഡ്രിയാനോ, 45-മിനിറ്റില്‍ കാര്‍ലോസ് പിയോള്‍, 50, 52 മിനിറ്റുകളില്‍ സാഞ്ചസ്, 68 -മിനിറ്റില്‍ ഫാബ്രിഗസ് എന്നിവരാണ് ബാഴ്‌സയുടെ ഗോളുകള്‍ സ്‌കോര്‍ ചെയ്തത്. വയന്ത്രിയാണ് ലെവന്റേയുടെ ആശ്വാസഗോള്‍ നേടിയത്.