Perth Test Day 2: ഊതല്ലെ, തീപ്പൊരി പാറുമെ.., ഹർഷിതിനെ ട്രോളിയ സ്റ്റാർക്കിന് മറുപടിയുമായി ജയ്സ്വാൾ, പന്തിന് സ്പീഡ് പോരെന്ന് താരം
ഇതിന്റെ തുടര്‍ച്ചയായാണ് പെര്‍ത്ത് ടെസ്റ്റില്‍ ബാറ്റിംഗിനിടെ ഇന്ത്യന്‍ ബൗളര്‍ ഹര്‍ഷിത് റാണയെ ട്രോളികൊണ്ട് നിന്നെക്കാള്‍ വേഗത്തില്‍ ഞാന്‍ പന്തെറിയുമെന്ന് മിച്ചല്‍ സ്റ്റാര്‍ക്ക് പറഞ്ഞത്. സ്റ്റാര്‍ക്കിന്റെ വിക്കറ്റ് വീഴ്ത്തി കൊണ്ട് ഹര്‍ഷിത് തന്നെ ഇതിന് മറുപടി പറഞ്ഞെങ്കിലും ഈ തര്‍ക്കത്തെ വീണ്ടും ഗ്രൗണ്ടിലേക്ക് കൊണ്ടുവന്നിരിക്കുകയാണ് ഇന്ത്യന്‍ യുവതാരമായ യശ്വസി ജയ്‌സ്വാള്‍. പെര്‍ത്ത് ടെസ്റ്റില്‍ രണ്ടാം ഇന്നിങ്ങ്‌സില്‍ ബാറ്റിംഗിനിറങ്ങിയ ഇന്ത്യയ്‌ക്കെതിരെ ഓപ്പണിംഗ് സ്‌പെല്ലില്‍ പന്തെറിഞ്ഞ മിച്ചല്‍ സ്റ്റാര്‍ക്കിന് വിക്കറ്റുകളൊന്നും നേടാനായിരുന്നില്ല. പിന്നീട് ബൗളിംഗിന് വന്നപ്പോഴും സ്റ്റാര്‍ക്കിന് വിക്കറ്റെടൂക്കാനായില്ല. പതിനേഴാം ഓവറില്‍ സ്റ്റാര്‍ക്കിനെ ജയ്‌സ്വാള്‍ ബൗണ്ടറികടത്തുകയും ചെയ്തു. എന്നാല്‍ തൊട്ടടുത്ത പന്തില്‍ ജയ്‌സ്വാള്‍ ബീറ്റണായി. ഇതോടെ ജയ്‌സ്വാളിനെ നോക്കി ചിരിച്ച സ്റ്റാര്‍ക്കിനോട് സ്ലോ ബോളാണ്, സ്പീഡ് പോരെന്നാണ് ജയ്‌സ്വാള്‍ പറഞ്ഞത്. ജയ്‌സ്വാളിന്റെ കമന്റിന് ഒരു ചിരി മാത്രമാണ് സ്റ്റാര്‍ക്ക് മറുപടിയായി കൊടുത്തത്.
