ബ്രസീല്‍ ഫുട്‌ബോള്‍ താരം റിവാള്‍ഡോ അന്താരാഷ്ട്ര ഫുട്‌ബോളില്‍ നിന്നും വിരമിച്ചു. ട്വിറ്ററിലൂടെയാണ് വിരമിക്കല്‍ പ്രഖ്യാപനം നടത്തിയത്. 24 വര്‍ഷം നീണ്ട ഫുട്‌ബോള്‍ കരിയറിന് ഇതോടെ അന്ത്യമായി.
2002ലെ ലോകകപ്പ് കിരീടം നേടിയ ബ്രസീല്‍ ടീമില്‍ അംഗമായിരുന്നു 41കാരനായ റിവാള്‍ഡോ. 1998ലെ ലോകകപ്പില്‍ റണ്ണറപ്പായ ബ്രസീല്‍ ടീമിലും സാന്നിധ്യമുണ്ടായിരുന്നു. 1997ല്‍ കോണ്‍ഫെഡറേഷന്‍ കപ്പ്, 1999ല്‍ കോപ്പ അമേരിക്ക കീരിടം എന്നിവ ബ്രസീല്‍ ടീമിന് നേടിക്കൊടുക്കുന്നതില്‍ നിര്‍ണായക പങ്കുഹിച്ചിട്ടുണ്ട്.
എന്നാല്‍ ഏറെക്കാലമായി മുഖ്യധാര ഫുട്‌ബോളില്‍ നിന്നും വിട്ടുനില്‍ക്കുകയായിരുന്നു റിവാള്‍ഡോ. 1999ല ഫിഫ പ്ലേയര്‍ ഓഫ് ദി ഇയറായിരുന്ന റിവാള്‍ഡോ ബാഴ്‌സലോണയ്ക്ക് വേണ്ടിയും കളത്തിലിറങ്ങിയിട്ടുണ്ട്.
