ബിജെപിക്കെതിരെ വീണ്ടും വിമര്‍ശനവുമായി ശിവസേന എംപി സഞ്ജയ് റൗട്ട് രംഗത്ത്. ശിവസേനയുടെ മുഖ്യശത്രുവാണ് ബിജെപിയെന്നും സര്‍ക്കാര്‍ നിലനില്‍ക്കാന്‍ മാത്രമാണ് തന്‍ അതിന്റെ ഭാഗമാകുന്നതെന്നും റൗട്ട് പറഞ്ഞു. ജനങ്ങളുടെ അംഗീകാരം കിട്ടുന്നയാളാണ് നേതാവെന്നും കഴിഞ്ഞ മൂന്നു വര്‍ഷത്തിനിടെ രാഹുല്‍ഗാന്ധിക്ക് കാര്യമായ മാറ്റം സംഭവിച്ചിട്ടുണ്ടെന്നും സഞ്ജയ് റൗട്ട് പറഞ്ഞു.
ആളുകള്‍ രാഹുലിനെ കേള്‍ക്കാന്‍ ഇഷ്ടപ്പെടുന്നുണ്ടെന്നും റൗട്ട് അഭിപ്രായപ്പെട്ടു. ബിജെപി ആക്രമിക്കുന്നത് കോണ്‍ഗ്രസിനെ വിമര്‍ശിക്കുന്നതിന് പകരം പകരം ബിജെപി തങ്ങളെയാണ് ആക്രമിക്കുന്നതെന്നും റൗട്ട് പറഞ്ഞു.
ദേവേന്ദ്ര ഫട്‌നാവിസ് സര്‍ക്കാരിന്റെ മൂന്നാം വാര്‍ഷിക ദിനത്തിലാണ് ശിവസേന എംപിയുടെ വിമര്‍ശനം. മോദിയെ തള്ളിപ്പറഞ്ഞും രാഹുല്‍ ഗാന്ധിയെ പുകഴ്ത്തിയും റൗട്ട് കഴിഞ്ഞ ദിവസം രംഗത്തെത്തിയത് വാര്‍ത്തയായിരുന്നു.