മഴക്കെടുതിയില്‍ സംസ്ഥാനത്തെ ജനജീവിതം താറുമാറായ പശ്ചാത്തലത്തില്‍ പ്രാര്‍ഥനയുമായി
തമിഴ് സിനിമാ ലോകം.
കേരളത്തിലെ പ്രളയക്കെടുതിയില്‍ അകപ്പെട്ടവരുടെ സുരക്ഷയ്‌ക്കായി നടന്‍ വിശാലും സംഘവും മധുര മീനാക്ഷി ക്ഷേത്രത്തിലെത്തി പ്രത്യേകം പ്രാര്‍ഥനകളും പൂജകളും നടത്തി
വിശാല്‍ നായകനാകുന്ന സണ്ടക്കോഴി 2വിന്റെ ചിത്രീകരണം പൂര്‍ത്തിയായതിന് പിന്നാലെയാണ് ഷൂട്ടിംഗ് ലൊക്കേഷനില്‍ നിന്ന് എല്ലാവരും ക്ഷേത്രത്തിലെത്തിയത്. പ്രര്‍ഥനയ്‌ക്കു ശേഷമാണ് പ്രത്യേക പൂജകള്‍ നടന്നത്.
നേരത്തെ മുഖ്യമന്ത്രി പിണറായി വിജയന്റെ ദുരിതാശ്വാസ നിധിയിലേയ്‌ക്ക് 10 ലക്ഷം രൂപ വിശാല്‍ നല്‍കിയിരുന്നു. നടനും മക്കള്‍ നീതി മയ്യം നേതാവുമായ കമല്‍ഹാസന്‍, വിജയ് സേതുപതി, ധനുഷ്, താര സഹോദരന്മാരായ സൂര്യ, കാര്‍ത്തി, സിദ്ധാര്‍ത്ഥ് , നടി രോഹിണി, നയന്‍‌താര, തുടങ്ങിയവരും സംഭാവന നല്‍കിയിരുന്നു.
തമിഴ് സിനിമാ താരങ്ങളുടെ കൂട്ടായ്‌മയായ നടികര്‍ സംഘവും 10 ലക്ഷം നല്‍കിയിരുന്നു.