ഭാര്യക്ക് മൂന്ന് കാമുകൻ‌മാരുമായി അവിഹിത ബന്ധം കണ്ടെത്തി, കാമുകൻ‌മാരുടെ അക്രമവും ഭീഷണിയും സഹിക്കവയ്യാതെ ഭർത്താവ് സ്വയം ഷോക്കേൽ‌പ്പിച്ച് ജീവിതം അവസാനിപ്പിച്ചു

രാജ്കോട്ട്: ഭാര്യക്ക് മൂന്ന് യുവാക്കളുമായി അവിഹിത ബന്ധമുണ്ടെന്ന് കണ്ടെത്തിയ ഭർത്താവ് സ്വയം വൈദ്യുതാഘാതമേൽപ്പിച്ച് ജീവനൊടുക്കി ഗാന്ധീദാമിലെ സ്വന്തം വീട്ടിൽ വച്ച് പ്രഹ്ളാദ് എന്ന യുവാവാണ് ആത്മഹത്യ ചെയ്തത്. 

തന്റെ ഭാര്യ ധാൻഭായി മഹേശ്വരിക്ക് നരസിംഹ് കോലി, രവിശങ്കർ മഹേശ്വരി, മഹേഷ് മഹേശ്വരി എന്നീ യുവാക്കളുമായി അവിഹിത ബന്ധമുണ്ടെന്ന് പ്രഹ്‌ളാദ് കണ്ടെത്തിയിരുന്നു. ഇതിനെ തുടർന്ന് കാമുകൻ‌മാർ ചേർന്ന് പ്രഹ്‌ളാദിനെ മർദ്ദിക്കുകയും ഭീഷണിപ്പെടുത്തുകയും ചെയ്തിരുന്നു. ഇത് സഹിക്കവയ്യാതെയാണ് സ്വയം വൈദ്യുതാഘാതമേൽപ്പിച്ച് പ്രഹ്‌ളാദ് അത്മഹത്യ ചെയ്തത്.

പ്രഹ്‌ളാ‍ദിന്റെ ആത്മഹത്യയിൽ ദുരൂഹതയുണ്ടെന്ന് ആരോപിച്ച് സഹോദിരിയുടെ ഭർത്താവ് ലാൽ‌ജിയാണ് പൊലീസിനെ സമീപിച്ചത്. പൊലീസ് നടത്തിയ വിശദമായ അന്വേഷണത്തിൽ നരസിംഹ് കോലി, രവിശങ്കർ മഹേശ്വരി, മഹേഷ് മഹേശ്വരി എന്നിവരുമായി പ്രഹ്‌ളാദിന്റെ ഭാര്യക്ക് ബന്ധമുള്ളതായി കണ്ടെത്തി

മൂവർ ചേർന്ന് വീട്ടിലെത്തി പ്രഹ്‌ളാദിനെ മർദ്ദിക്കുകയും ഭീഷണിപ്പെടുത്തുകയും ചെയ്തിരുന്നു എന്നും അന്വേഷണത്തിൽ പൊലീസിന് വ്യക്തമായി. ഇതോടെ ഭാര്യ ധാൻഭായി മഹേശ്വരികക്കും കാമുകൻ‌മാർക്കുമെതിരെ പൊലീസ് കേസെടുത്തു.