പത്താം ക്ലാസുകാരിയെ കൂട്ടബലാത്സംഗത്തിനിരയാക്കിയ ശേഷം കൊന്നു കെട്ടിത്തൂക്കിയ നിലയിൽ കണ്ടെത്തി. പശ്ചിമ ബംഗാളിലെ മുറിഗംഗയിലാണ് നാടിനെ നടുക്കിയ സംഭവം നടന്നത്. സംഭവവുമായി ബന്ധപ്പെട്ട് പ്രതികളെന്നു സംശയിക്കുന്ന മൂന്നു പേരെ പൊലീസ് കസ്റ്റഡിയിലെടുത്തു.
സ്കൂളിലേക്ക് പോയ പെൺകുട്ടിയെ കാണാതായതിനെത്തുടർന്ന് നടത്തിയ അന്വേഷണത്തിലാണ് പെൺകുട്ടിയെ കൊന്ന് കെട്ടിത്തൂക്കിയ നിലയിൽ കണ്ടെത്തിയത്. ക്രൂരമായ രീതിയിൽ പെൺകുട്ടിയെ കൂട്ടബലാത്സംഘത്തിന് ഇരയായിട്ടുണ്ടെന്നും പൊലീസ് അറിയിച്ചു. സ്കൂളിലേക്ക് പോയ പെൺകുട്ടി തിരിച്ച് വീട്ടിലെത്താതിരുന്നപ്പോൾ സ്ക്കൂളിൽ അന്വേഷിച്ചപ്പോഴാണ് പെൺകുട്ടിയെ കാണാനില്ലെന്ന കാര്യം തിരിച്ചറിഞ്ഞതെന്നും പൊലീസ് പറഞ്ഞു.
സംശയാസ്പദമായ രീതിയിൽ പൊലീസ് പിടികൂടിയ പ്രതികൾക്ക് രാഷ്ട്രീയ കക്ഷികളുമായി ബന്ധമുണ്ടെന്ന് ഗ്രാമവാസികൾ അറിയിച്ചിരുന്നെങ്കിലും ഇതിനെക്കുറിച്ചൊന്നും പൊലീസ് അറിയിച്ചിട്ടില്ല. സംഭവവുമായി ബന്ധപ്പെട്ട് അന്വേഷണം പുരോഗമിക്കുകയാണെന്നും കൂടുത‌ൽ പ്രതികളെ കണ്ടെത്താനുള്ള തിരച്ചിൽ ഊർജ്ജിതമാക്കിയെന്നും പൊലീസ് അറിയിച്ചു.