മതിയായ സുരക്ഷാ മാനദണ്ഡങ്ങളില്ലാതെ പുറത്തിറക്കുന്നതിനാൽ യോഗാ ഗുരു ബാബാ രാംദേവിന്റെ പതഞ്ജലി നൂഡിൽസിന് കേന്ദ്രം നോട്ടീസ് അയച്ചു. ഫുഡ് സേഫ്റ്റ് ആൻഡ് സ്റ്റാൻഡേർഡ്സ് അതോറിറ്റി ഓഫ് ഇന്ത്യ (എഫ്എസ്എസ്എഐ) ആണ് നോട്ടീസയച്ചിരിക്കുന്നത്.
നൂഡില്‍‌സ് വില്‍ക്കുന്നതിന് എഫ്എസ്എസ്എഐ അനുമതി ലഭിച്ചിട്ടുണ്ടെന്നാണ് രാംദേവ് പറഞ്ഞിരുന്നത്. എന്നാല്‍ അനുമതിയില്ലാതെയാണ് പതഞ്ജലി ആയുർവേദ് ആട്ടാ നൂഡിൽസ് പുറത്തിറക്കിയത്. ഇതിലാണ് എഫ്എസ്എസ്എഐ വിശദീകരണം തേടിയിരിക്കുന്നത്.
ന്യൂഡിൽസിന് ലൈസൻസിലെന്ന വിവരം പുറത്തുവന്നതോടെ ഉദ്യോഗസ്ഥരുമായി സംസാരിച്ചു വിഷയം പരിഹരിക്കുമെന്ന് ബാബാ രാംദേവ് നേരത്തെ അറിയിച്ചിരുന്നു.