ഉത്തര്‍പ്രദേശിലെ കൗശാംബി ജില്ലയില്‍ 50 മീറ്റര്‍ നീളവും പതിനായിരം കിലോ ഭാരവും വരുന്ന മൊബൈല്‍ ടവര്‍ മോഷണം പോയി. ടവര്‍ മോഷണവുമായി ബന്ധപ്പെട്ട് ടെക്‌നീഷ്യന്‍ രാജേഷ് കുമാര്‍ യാദവ് നവംബര്‍ 29നാണ് പോലീസില്‍ പരാതി നല്‍കിയത്.എന്നാല്‍ പരാതി നല്‍കിയത് ഈ ദിവസമാണെങ്കിലും മാര്‍ച്ച് 31 മുതല്‍ ടവര്‍ കാണായതായി പരാതിയില്‍ പറയുന്നു.
ടവറിനൊപ്പം മറ്റ് വില കൂടിയ സാമഗ്രികളും മോഷ്ടാക്കള്‍ അടിച്ചുമാറ്റിയതായും പരാതിയില്‍ പറയുന്നു. ഈ വര്‍ഷം ജനുവരിയിലാണ് കൗശാംബി ജില്ലയിലെ ഉജ്ജയിനി ഗ്രാമത്തില്‍ ഉബൈദ് എന്നയാളുടെ ഉടമസ്ഥതയിലുള്ള വയലില്‍ തന്റെ കമ്പനി ടവര്‍ സ്ഥാപിച്ചതെന്ന് ടെക്‌നീഷ്യന്‍ പറയുന്നു. 2023 മാര്‍ച്ച് 31ന് പരിശോധനയ്ക്കായി സ്ഥലത്തെത്തിയപ്പോഴാണ് മൊബൈല്‍ ടവറും മറ്റ് സാമഗ്രികളും ഉള്‍പ്പടെ മോഷണം പോയതായി അറിയുന്നത്.