മുൻസിപ്പൽ കൗൺസിലറായ സെൽവ ബാലാജിയും സഹപ്രവർത്തകയായ യുവതിയും തമ്മിലുള്ള വിവാഹ ബന്ധമാണ് വീട്ടുകാരുടെ ഇടപെടലിനെ തുടർന്ന് വെറും ഒരു മണിക്കൂർ കൊണ്ട് അവസാനിച്ചത്. ആറ് മാസത്തെ പ്രണയത്തിനൊടുവിലാണ് സെൽവ തന്റെ കാമുകിയോട് വിവാഹ അഭ്യർഥന നടത്തിയത്. യുവതി വിവാഹത്തിന് സമ്മതം മൂളി. എന്നാൽ വീട്ടുകാരുടെ എതിർപ്പിനെ തുടർന്ന് ഇവർ സ്വന്ത ഇഷ്ടപ്രകാരം വിവാഹിതരാകാൻ തീരുമാനിക്കുകയായിരുന്നു. ഇക്കഴിഞ്ഞ വെള്ളിയാഴ്ച ഓഫീസിലെത്തിയ സെൽവ യുവതിയെ കൂട്ടി പള്ളിയിൽ ക്രിസ്ത്യൻ മതാചാരപ്രകാരം വിവാഹിതരായി.
രണ്ട് കൂട്ടരും പരാതിയുമായെത്തിയതോടെ ഭാര്യാ-ഭർത്താക്കൻമാർ തന്നെ ആലോചിച്ച് സ്വന്തം ജീവിതത്തെക്കുറിച്ച് തീരുമാനത്തിലെത്താൻ പൊലീസ് ആവശ്യപ്പെട്ടു. പിന്നാലെ തന്നെ ബാലാജി മാതാപിതാക്കൾക്കൊപ്പം പോകാന്‍ തീരുമാനിക്കുകയായിരുന്നു. വിവാഹം കഴിഞ്ഞ് വെറും ഒരു മണിക്കൂറിനുള്ളിൽ തന്നെയാണ് ഭാര്യയെ വേണ്ടെന്ന് വച്ച് ഇയാൾ വീട്ടുകാർക്കൊപ്പം പോയത്.
