ജെഡിഎസിന്റെ പിന്തുണ വേണ്ടെന്നും കര്‍ണാടകയില്‍ ഒറ്റയ്ക്ക് സര്‍ക്കാര്‍ ഉണ്ടാക്കുമെന്ന് കോണ്‍ഗ്രസ് വക്താവ് പവന്‍ ഖേര. ഇത് തങ്ങളുടെ കൂട്ടായ്മയുടെ വിജയമാണെന്നും ദേശീയ നേതൃത്വത്തിനും സംസ്ഥാന നേതൃത്വത്തിനും ഇതില്‍ തുല്യമായ പങ്കുണ്ടെന്നും അദ്ദേഹം പറഞ്ഞു. പ്രചാരണ സമയത്ത് ബിജെപിയുടെ മുഖം മോദിയുടെതായിരുന്നുവെന്നും എന്നാല്‍ ഇപ്പോള്‍ പരാജയപ്പെട്ടപ്പോള്‍ അത് നദ്ദയുടെ തലയില്‍ കെട്ടിവയ്ക്കുന്നുവെന്നും അദ്ദേഹം ആരോപിച്ചു.
