രാഹുല്‍ ഗാന്ധി മദ്യപിച്ചാണ് പാര്‍ലമെന്റില്‍ വരുന്നതെന്ന് ബിജെപി എംപി കങ്കണ റണാവത്ത്. കങ്കണയുടെ ഈ പരാമര്‍ശം വലിയ വിവാദം ഉണ്ടാക്കിയിരിക്കുകയാണ്. രാഹുല്‍ എപ്പോഴും മദ്യപിച്ചിട്ടോ അല്ലെങ്കില്‍ മയക്കുമരുന്ന് ഉപയോഗിച്ചിട്ടോ ആണ് പാര്‍ലമെന്റില്‍ വരുന്നതെന്നാണ് പറഞ്ഞത്. നേരത്തെ അനുരാഗ് താക്കൂര്‍ തന്നെ അപമാനിച്ചതായി രാഹുല്‍ ഗാന്ധി ലോക്‌സഭയില്‍ പറഞ്ഞിരുന്നു. രാഹുലിന്റെ ഈ വിമര്‍ശനത്തിന് പിന്നാലെ കങ്കണ അദ്ദേഹത്തെ പരിഹസിക്കുകയായിരുന്നു. രാഹുലിന്റെ മുത്തച്ഛന്‍ മുസ്ലിമാണ്, മുത്തശ്ശി അതുപോലെ പാഴ്‌സിയും, അമ്മ ക്രിസ്ത്യാനിയാണ്, പക്ഷെ രാഹുലിന് എല്ലാവരുടെയും ജാതി അറിയാനാണ് താല്പര്യം. നാണക്കേട് തോന്നുന്നുവെന്ന് കങ്കണ സോഷ്യല്‍ മീഡിയയില്‍ കുറിച്ചു.
താമരയില്‍ നിന്നുള്ള ഭയത്തിലാണ് ഇപ്പോള്‍ രാജ്യം ഉള്ളതെന്നും അതൊരു ചക്രവ്യൂഹം ആണെന്നും ആറ് പേരാണ് രാജ്യത്തെ നിയന്ത്രിക്കുന്നതെന്നും രാഹുല്‍ എക്‌സില്‍ കുറിച്ചു. നരേന്ദ്രമോദി, അമിത് ഷാ, അദാനി, അംബാനി, അജിത്ത് ഡോവല്‍, മോഹന്‍ ഭഗവത് എന്നിവരാണ് അതെന്ന് രാഹുല്‍ ഗാന്ധി എക്‌സികുറിച്ചിരുന്നു. ഇതിനുപിന്നാലെയാണ് കങ്കണ രൂക്ഷ വിമര്‍ശനം ഉന്നയിച്ചത്.