ജമ്മു കശ്മീരില്‍ ആയുധങ്ങളുമായി 11 ഭീകരരെ അറസ്റ്റ് ചെയ്തു. വിവിധയിടങ്ങളില്‍ സൈന്യവും പോലീസും ചേര്‍ന്ന് നടത്തിയ തെരച്ചിലിലാണ് ലഷ്‌കര്‍ ഇ തൊയ്ബ, ജെയ്ഷെ മുഹമ്മദ് തുടങ്ങി വിവിധ നിരോധിത ഭീകരസംഘടനയിലുള്ള ഭീകരര്‍ പിടിയിലായത്. ബുദ്ഗാം ജില്ലയില്‍ സുരക്ഷാസേന നടത്തിയ തെരച്ചിലില്‍ ഖൈസര്‍ അഹമ്മദ് ദാര്‍, താഹിര്‍ അഹമ്മദ് ദാര്‍, അഖിബ് റഷീദ് ഗാനി എന്നിവരാണ് അറസ്റ്റിലായത്. ഇവരില്‍ നിന്ന് ഗ്രനേഡുകളും വെടിക്കോപ്പുകളും പിടിച്ചെടുത്തു.
