പാക്കിസ്ഥാനില്‍ പാസഞ്ചര്‍ ട്രെയിന്‍ പാളം തെറ്റി അപകടം 33 പേര്‍ മരിച്ചു. കൂടാതെ 80ലധികം പേര്‍ക്ക് പരിക്കേറ്റിട്ടുണ്ട്. കറാച്ചിയില്‍ നിന്ന് റാവല്‍ പിണ്ടിയിലേക്ക് പോവുകയായിരുന്ന ഹസാര എക്‌സ്പ്രസ് ആണ് അപകടത്തില്‍പ്പെട്ടത്. സഹാറ റെയില്‍വേ സ്റ്റേഷനു സമീപത്താണ് അപകടം ഉണ്ടായത്. ട്രെയിനിന്റെ പത്ത് ബോഗികള്‍ പാളം തെറ്റി മറിഞ്ഞു. രക്ഷാപ്രവര്‍ത്തനം നടന്നുകൊണ്ടിരിക്കുകയാണ്. പരിക്കേറ്റവരെ സമീപത്തെ ആശുപത്രികളില്‍ പ്രവേശിപ്പിച്ചു.
