ഒന്നരമാസം പ്രായമുള്ള പിഞ്ചുകുഞ്ഞിന്റെ ദേഹത്ത് 40 തവണ ചുട്ടുപഴുത്ത ഇരുമ്പു വടി കൊണ്ട് അടിച്ച് പൊള്ളലേല്‍പ്പിച്ചു. അസുഖം മാറ്റാന്‍ എന്ന പേരിലാണ് ഈ പ്രവര്‍ത്തി ചെയ്തിരിക്കുന്നത്. മധ്യപ്രദേശിലെ ഷഹ്‌ദോള്‍ ജില്ലയിലാണ് സംഭവം. ഗുരുതരമായി പരിക്കേറ്റ കുഞ്ഞിനെ സമീപത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്.
ഹര്‍ദി ഗ്രാമക്കാരായ മാതാപിതാക്കള്‍ കുട്ടിയെ പിന്നീട് ആശുപത്രിയില്‍ എത്തിച്ചപ്പോഴാണ് സംഭവം വെളി ലോകം അറിയുന്നത്. കുഞ്ഞിന്റെ അസുഖം മാറ്റാം എന്ന പേരില്‍ കഴുത്തിലും വയറിലും മറ്റ് ശരീര ഭാഗങ്ങളിലുമായി നാല്‍പ്പതോളം പൊള്ളിയ പാടുകളാണ് കാണാനിടയായത്.മന്ത്രവാദ പ്രവര്‍ത്തനത്തിന് പിന്നാലെ കുഞ്ഞിന്റെ സ്ഥിതി വഷളായി. തുടര്‍ന്നാണ് മാതാപിതാക്കള്‍ കുട്ടിയെ ആശുപത്രിയില്‍ എത്തിച്ചത്.
