ഇന്ത്യയെ ഒരു ഇസ്ലാം രാഷ്ട്രമാക്കാൻ ശ്രമങ്ങൾ നടക്കുന്നുവെന്ന് ഹിന്ദുത്വ സംഘടനയായ ഹിന്ദു ജാഗരണ്‍ മഞ്ച്. ‘ലൗ ജിഹാദ്’ തടയുന്നതിനെന്ന വ്യാജേന ഉത്തര്‍പ്രദേശില്‍ ആരംഭിക്കുന്ന സേവ് ഹിന്ദു ഗേള്‍സ്’ ക്യാംപയിനിന്റെ ഭാഗമായി പുറത്തിറക്കിയ ലഘുലേഖയിലാണ് ഇക്കാര്യം പറയുന്നത്.വിവാഹം കഴിക്കുന്നതിന് മുൻപ് ഐഡി കാർഡ് പരിശോധിച്ച് മതം ഉറപ്പു വരുത്തണമെന്നും ലഘുലേഖയിൽ പറയുന്നു.
ആര്‍എസ്എസിന് കീഴിലുള്ള സ്‌കൂളുകളില്‍ ക്യാംപയിന്‍ നടത്തുകയാണ് ആര്‍എസ്എസ് അനുഭാവ സംഘടനയായ ജാഗരണ്‍ മഞ്ചിന്റെ ലക്ഷ്യം. പങ്കാളിയാക്കാന്‍ ഉദ്ദേശിക്കുന്ന വ്യക്തിയെ ഒരു ക്ഷേത്രത്തില്‍ കൊണ്ട് പോയി പ്രസാദം സ്വീകരിക്കുന്നുണ്ടോ എന്ന് നോക്കണമെന്നും ലഘുലേഖയില്‍ പറയുന്നുണ്ട്. എന്നാൽ, ഇത്തരം കാര്യങ്ങളില്‍ ആര്‍എസ്എസിന്റെ അനുമതി തേടാറില്ലെന്ന് ആര്‍എസ്എസ് വക്താവ് കേശവ്ജി പറഞ്ഞു.
