ഹൈദരാബാദില്‍ ഇന്നലെ ഏറ്റവും ചൂടേറിയ ദിനമായിരുന്നു. ഇവിടെ 40 ഡിഗ്രി സെല്‍ഷ്യസാണ് റിപ്പോര്‍ട്ട് ചെയ്തത്. തെലങ്കാനയിലെ ജില്ലകളില്‍ ചൂട് 44 ഡിഗ്രി സെല്‍ഷ്യസ് ആയിട്ടുണ്ട്. കേന്ദ്രകാലാവസ്ഥാ കേന്ദ്രമാണ് വിവരം പുറത്തുവിട്ടത്. തെലങ്കാനയിലെ നിസാമാബാദ്, അദിലാബാദ്, ജഗ്ദിയാല്‍ തുടങ്ങിയ ജില്ലകളിലാണ് ചൂട് 44ലേക്ക് കടന്നത്. ലഗ്മാപൂരിലും നിസാമാബാദിലുമാണ് റെക്കോഡ് ചൂട് രേഖപ്പെടുത്തിയത്.
44.6 ഡിഗ്രി സെല്‍ഷ്യസ് ആയിരുന്നു ഇവിടെത്തെ ചൂട്. വരുന്ന രണ്ടുദിവസങ്ങളിലും ഹൈദരാബാദില്‍ ചൂട് 40 ഡിഗ്രി സെല്‍ഷ്യസില്‍ ഉണ്ടാകുമെന്നാണ് കാലാവസ്ഥാ കേന്ദ്രം പറയുന്നത്.