പെട്രോള്‍, ഡീസല്‍ നികുതി ഇനത്തില്‍ കേന്ദ്ര സര്‍ക്കാരിന് കഴിഞ്ഞ മൂന്ന് വർഷത്തിനിടെ ലഭിച്ചത് എട്ട് ലക്ഷം കോടി രൂപ. ഇതിൽ 3.71 ലക്ഷം കോടി രൂപയും കിട്ടിയത് കഴിഞ്ഞ സാമ്പത്തിക വർഷമാണ് (2020-21). ധനമന്ത്രി നിര്‍മ്മല സീതാരാമന്‍ രാജ്യസഭയില്‍ അറിയിച്ചതാണ് ഈ കണക്ക്.
പെട്രോളിന്റെ എക്‌സൈസ് തീരുവ 2018 ഒക്ടോബറില്‍ ലിറ്ററിന് 19.48 രൂപയില്‍ നിന്ന് 27.90 രൂപയായും ഡീസലിന് രൂപയില്‍ നിന്ന് 21.80 രൂപയായും ഉയർത്തിയിരുന്നു. ഈ വർഷം ഫെബ്രുവരി രണ്ട് വരെ എക്‌സൈസ് ഡ്യൂട്ടിയിലും പലതവണ മാറ്റം വരുത്തി. പെട്രോൾ വില 100 കടന്നതോടെ ദീപാവലിയുടെ തലേദിവസമായിരുന്നു സർക്കാർ പെട്രോളിന് ലിറ്ററിന് അഞ്ച് രൂപയും ഡീസലിന് 10 രൂപയും നികുതി കുറച്ചത്.
2018-19 സാമ്പത്തിക വർഷം 2,10,282 കോടി
2019-20 സാമ്പത്തിക വർഷം 2,19,750 കോടി
2020-21 സാമ്പത്തിക വർഷം 3,71,908 കോടി.
