രാജ്യത്ത് കൊവിഡ് മൂലം 4 മരണങ്ങള്‍ കൂടി സ്ഥിരീകരിച്ചു. ഇതോടെ മെയ് മാസത്തില്‍ ആകെ മരണസംഖ്യ 10 ആയിട്ടുണ്ട്. 2025 ജനുവരി മുതല്‍ 113 മരണം കോവിഡ് മൂലം റിപ്പോര്‍ട്ട് ചെയ്തു. സജീവ കേസുകളില്‍ 353 എണ്ണം കുറഞ്ഞു. ഇന്ത്യയില്‍ നിലവിലെ സജീവ കേസുകള്‍ 6483 ആണ്. 15,945 പേര്‍ രോഗമുക്തി നേടി. ഗുജറാത്തിലാണ് ഏറ്റവും കൂടുതല്‍ സജീവമായ കേസുകള്‍ ഉള്ളത്. 1,105 കേസുകള്‍. 2 മരണങ്ങളും റിപ്പോര്‍ട്ട് ചെയ്യപ്പെട്ടിട്ടുണ്ട്.
രോഗമുക്തി നേടിയവരുടെ എണ്ണത്തില്‍ കേരളം മുന്‍പന്തിയിലാണ്. 5,572 പേരാണ് രോഗമുക്തി നേടിയത്. അതുപോലെ, മഹാരാഷ്ട്രയില്‍ 489 സജീവ കേസുകളും 1,588 രോഗമുക്തി നേടിയവരും ഉള്‍പ്പെടുന്നു. ഇവിടെ 31 മരണങ്ങളും രേഖപ്പെടുത്തിയിട്ടുണ്ട്. കര്‍ണാടക (653 സജീവം, 1,381 പേര്‍ സുഖം പ്രാപിച്ചു), രാജസ്ഥാന്‍ (302 സജീവം, 208 പേര്‍ സുഖം പ്രാപിച്ചു). അരുണാചല്‍ പ്രദേശ്, മിസോറാം തുടങ്ങിയ സംസ്ഥാനങ്ങളില്‍ ഒരു സജീവ കേസും റിപ്പോര്‍ട്ട് ചെയ്തിട്ടില്ല. ജനുവരി മുതല്‍ ഉത്തര്‍പ്രദേശില്‍ 275 സജീവ കേസുകളുണ്ട്, 67 രോഗമുക്തി നേടിയവരും 2 മരണങ്ങളും റിപ്പോര്‍ട്ട് ചെയ്തിട്ടുണ്ട്.
