ആരോഗ്യ കുടുംബക്ഷേമ മന്ത്രാലയത്തിന്റെ ഏറ്റവും പുതിയ കണക്കുകള്‍ പ്രകാരം രാജ്യത്തുടനീളം സജീവ കേസുകള്‍ 7,000 ല്‍ താഴെയായി. കഴിഞ്ഞ 24 മണിക്കൂറിനുള്ളില്‍ 428 കോവിഡ്-19 അണുബാധ കേസുകള്‍ കുറഞ്ഞു. ഇതോടെ, സജീവ കേസുകളുടെ എണ്ണം ഇപ്പോള്‍ 6836 ആയി കുറഞ്ഞു. കഴിഞ്ഞദിവസം കോവിഡ് അണുബാധ കേസുകളില്‍ 119 കുറവുണ്ടായി.
ആരോഗ്യ മന്ത്രാലയത്തിന്റെ കണക്കനുസരിച്ച്, കഴിഞ്ഞ 24 മണിക്കൂറിനുള്ളില്‍ കേരളത്തില്‍ പരമാവധി 261 കേസുകള്‍ കുറഞ്ഞു. ഇതിനുപുറമെ, ഗുജറാത്തില്‍ 185, ഡല്‍ഹിയില്‍ 94, മഹാരാഷ്ട്രയില്‍ 28, ആന്ധ്രാപ്രദേശില്‍ 18, സിക്കിമില്‍ 13, അസമില്‍ 3, തെലങ്കാന-ബിഹാര്‍-ഛത്തീസ്ഗഢ്, ഗോവ എന്നിവിടങ്ങളില്‍ 1 വീതം കേസുകള്‍ കുറഞ്ഞു.
ഈ കുറവിനുശേഷം, കേരളത്തിലെ ആകെ കേസുകളുടെ എണ്ണം ഇപ്പോള്‍ 1659 ആണ്. നിലവില്‍ ഗുജറാത്തില്‍ 1,248 സജീവ കേസുകളും, കര്‍ണാടകയില്‍ 696 ഉം, ഡല്‍ഹിയില്‍ 555 ഉം, മഹാരാഷ്ട്രയില്‍ 512 ഉം, ഉത്തര്‍പ്രദേശില്‍ 278 ഉം, രാജസ്ഥാനില്‍ 251 ഉം, തമിഴ്നാട്ടില്‍ 222 ഉം, ഹരിയാനയില്‍ 103 ഉം കേസുകളുണ്ട്.
