കൊവിഡ് മൂലം മാതാപിതാക്കളെ നഷ്ടപ്പെടുന്ന കുട്ടികള്‍ക്ക് 10 ലക്ഷം നല്‍കും. ആന്ധ്രാപ്രദേശ് സര്‍ക്കാരാണ് ഇത്തരമൊരു നടപടി സ്വീകരിച്ചത്. മുഖ്യമന്ത്രി ജഗന്‍മോഹന്‍ റെഡ്ഡിയാണ് ഇക്കാര്യം അറിയിച്ചത്. തുക കുട്ടികളുടെ അക്കൗണ്ടിലേക്ക് സ്ഥിര നിക്ഷേപമായാണ് ഇടുന്നത്. കുട്ടികള്‍ക്ക് 25 വയസാകുമ്പോള്‍ ഇതിന്റെ കാലാവധി കഴിയും. അനാഥരാകുന്ന കുട്ടികള്‍ക്കുവേണ്ടി ബാങ്കുകളുമായി സഹകരിച്ചാണ് സര്‍ക്കാര്‍ ഇത്തരമൊരു പദ്ധതി നടപ്പാക്കുന്നത്.
