തമിഴ്‌നാട് തിരുച്ചിറപ്പള്ളിയില്‍ കുഴല്‍ക്കിണറില്‍ വീണ രണ്ടു വയസ്സുകാരന്‍ സുജിത് മരിച്ചു. അഴുകിത്തുടങ്ങിയ മൃതദേഹം കുഴല്‍ക്കിണറിലൂടെ തന്നെ പുറത്തെടുത്തു.
നാലുദിവസമായി രക്ഷാപ്രവര്‍ത്തനം തുടരുകയായിരുന്നു. വെള്ളിയാഴ്ചയായിരുന്നു സുജിത്ത് കുഴല്‍ക്കിണറില്‍ വീണത്. പോസ്റ്റ്‌മോര്‍ട്ടത്തിനു ശേഷം കുട്ടിയുടെ മൃതദേഹം കുടുംബത്തിനു വിട്ടു നല്‍കി.
കുട്ടി മരിച്ചെന്ന ആശങ്ക സ്ഥിരീകരിച്ച് കുറച്ചു സമയത്തിനകം പ്രിന്‍സിപ്പല്‍ സെക്രട്ടറി ജെ. രാധാകൃഷ്ണന്‍ മൃതദേഹം അഴുകിത്തുടങ്ങിയതായി മാധ്യമങ്ങളോട് പറഞ്ഞു.
കഴിഞ്ഞ വെള്ളിയാഴ്ച വൈകിട്ടാണ് സുജിത് കുഴല്‍ക്കിണറില്‍ വീണത്. ആദ്യം 26 അടിയലാണ് കുട്ടി തങ്ങി നിന്നിരുന്നത് . രക്ഷാപ്രവര്‍ത്തനത്തിനിടെ 85 അടി താഴ്ച്ചയിലേക്ക് വീണു. ഞായറാഴ്ച പുലര്‍ച്ചെ 5 മണിവരെ കുട്ടിയുടെ പ്രതികരണം ഉണ്ടായിരുന്നു. പിന്നീട് കുട്ടി അബോധാവസ്ഥയിലാവുകയായിരുന്നു.കുട്ടിയെ രക്ഷിക്കാനായി സമാന്തര കിണര്‍ നിര്‍മ്മിക്കാനുള്ള ശ്രമം തുടരുന്നതിനിടെയാണ് കുട്ടി മരിച്ചതായി സ്ഥിരീകരിച്ചത്.