മുംബൈയില്‍ ലോക്കല്‍ ട്രെയിനുകളിലെ യാത്രക്കാരുടെ ഹോളി ആഘോഷത്തിനിടെ അപകടത്തില്‍ ഒരു മരണം. ഏഴ് പേര്‍ക്ക് പരുക്കേറ്റു. ഒരു ട്രെയിനില്‍ നിന്ന് മറ്റൊരു ട്രെയിനിലേക്ക് ഹോളി വര്‍ണ്ണങ്ങള്‍ ചീറ്റി തെറിപ്പിക്കുന്നതിനിടെ തിരിക്കില്‍ പിടിവിട്ട് ആളുകള്‍ പുറത്തേക്ക് വീഴുകയായിരുന്നു.
ഹോളി തലേന്നായിരുന്നു അപകടം. മുംബൈ സിഎസ്ടിയില്‍ നിന്ന് താനെയിലേക്ക് പോകുന്ന ട്രെയിനിലെ യാത്രക്കാര്‍ എതിര്‍ദിശയില്‍ വന്ന ട്രെയിനിലെ യാത്രക്കാര്‍ക്ക് നേരെ ഹോളി വര്‍ണ്ണങ്ങള്‍ സ്പ്രേ ചെയ്യുകയായിരുന്നു. ആള്‍ത്തിരക്കേറിയ ട്രെയിനില്‍ നിന്ന് ഇതിനിടെ ആളുകള്‍ പിടിവിട്ട് താഴെ വീണു.
സ്പ്രേ ചെയ്ത പൊടി അസ്വസ്ഥത ഉളവാക്കിയതിനെതുടര്‍ന്ന് അവര്‍ പിടിവിട്ട് താഴെ വീഴുകയായിരുന്നു എന്നു സൂചനകളുണ്ട്.
ആളുകളുടെ വസ്ത്രത്തില്‍ നിന്ന് പൊടിയുടെ സാമ്പിള്‍ ശേഖരിച്ച് പരിശോധനയ്ക്ക് അയയ്ക്കുമെന്ന് സെന്‍‌ട്രല്‍ റയില്‍‌വെ അധികൃതര്‍ അറിയിച്ചു.