ജമ്മു കശ്‌മീരില്‍ ബസ് നദിയിലേക്ക്‌ മറിഞ്ഞുണ്ടായ അപകടത്തില്‍ മരിച്ചവരുടെ എണ്ണം 35 ആയി. 13 പേര്‍ക്ക്‌ പരിക്കേറ്റിട്ടുണ്ട്. ദോഡ ജില്ലയില്‍ ഇന്ന് രാവിലെ എട്ടരയോടെയാണ്‌ അപകടം.
ബാദര്‍വയില്‍നിന്ന്‌ ദോഡ നഗരത്തിലേക്കു പോവുകയായിരുന്ന ബസ് ചെനാബ്‌ നദിയുടെ കൈവഴിയിലേക്ക് മറിയുകയായിരുന്നു. റോഡില്‍നിന്ന്‌ തെന്നി ബസ് നദിയിലേക്ക്‌ മറിയുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.
33 പേര്‍ സംഭവസ്ഥലത്തു വച്ചും രണ്ടു പേര്‍ ആശുപത്രിയില്‍ വച്ചുമാണ് മരിച്ചതെന്ന് പൊലീസ് പറഞ്ഞു. പരിക്കറ്റ 13 പേരെയും വിമാന മാര്‍ഗം ജമ്മുവിലെ സര്‍ക്കാര്‍ മെഡിക്കല്‍ കോളജില്‍ എത്തിക്കുകയായിരുന്നു.