ഏഴര കോടി രൂപയുടെ മയക്കുമരുന്നുമായി ദക്ഷിണാഫ്രിക്കന്‍ യുവതി മുംബയ് ഛത്രപതി വിമാനത്താവളത്തില്‍ പിടിയില്‍. 15 കിലോ മീതാക്വലോണ്‍ മയക്കുമരുന്ന് എത്യോപ്യയിലേക്ക് കടത്താന്‍ശ്രമിക്കുകയായിരുന്നു. 23 വയസ്സുകാരിയായ ഇവര്‍ എംബിഎ ബിരുദധാരിയാണ്. യുവതിയുടെ പേരും മറ്റ് വിവരങ്ങളും പുറത്തുവിട്ടിട്ടില്ല.
ഇവരുടെ പെരുമാറ്റത്തില്‍ സംശയം തോന്നിയതിനെ തുടര്‍ന്ന് നടത്തിയ പരിശോധനയിലാണ് മയക്കുമരുന്ന് പിടിച്ചെടുത്തത്. പൊലീസ് നായയും ഇവരുടെ ലഗേജിലെ മയക്കുമരുന്നിന്റെ സാന്നിദ്ധ്യം തിരിച്ചറിഞ്ഞു.
എത്യോപ്യയില്‍ നിന്ന് നെയ്റോബിയിലേക്കും അവിടുന്ന് ഹരാരെയിലേക്കും മയക്കുമരുന്ന് കടത്തുകയായിരുന്നു ഇവരുടെ ഉദ്ദേശ്യം. എയര്‍ ഇന്ത്യാ വിമാനത്തില്‍ കഴിഞ്ഞ ദിവസമാണ് ഇവര്‍ ഡല്‍ഹിയില്‍ എത്തിച്ചേര്‍ന്നത്.