മലയാളത്തിലെ ആദ്യത്തെ ഒ.ടി.ടി റിലീസ് ചിത്രം,സൂഫിയും സുജാതയും റിലീസ് ചെയ്ത് ഇന്നേക്ക് ഒരു വര്‍ഷം,ഒരുപാട് നന്ദിയെന്ന് ദേവ് മോഹന്‍
മലയാളത്തിലെ ആദ്യത്തെ ഒ.ടി.ടി റിലീസ് ചിത്രം സൂഫിയും സുജാതയും പ്രേക്ഷകരിലേക്ക് എത്തി ഇന്നേക്ക് ഒരു വര്‍ഷം പിന്നിടുന്നു.കോവിഡ്-19 പകര്‍ച്ച വ്യാധി കാരണം, ചിത്രം ആമസോണ്‍ പ്രൈമില്‍ 2020 ജൂലൈ 3 ന് റിലീസ് ചെയ്തു. ഈ ചിത്രത്തിലൂടെ നായകനായി അരങ്ങേറ്റം കുറിച്ച ദേവ് മോഹന്‍ തന്റെ ആദ്യസിനിമ ഒരു വര്‍ഷം പിന്നിട്ട സന്തോഷത്തിലാണ്.
പാന്‍-ഇന്ത്യന്‍ ചിത്രം 'ശാകുന്തളം' ത്തിന്റെ തിരക്കിലാണെന്ന് ദേവ് മോഹന്‍.സമന്താ അക്കിനേനി ആണ് നായിക.'പുള്ളി' എന്ന ത്രില്ലര്‍ ചിത്രത്തിലാണ് ദേവ് മോഹന്‍ ഒടുവില്‍ ആയി അഭിനയിച്ചത്.ഉറുമ്പുകള്‍ ഉറങ്ങാറില്ല, പ്രേമസൂത്രം എന്നീ ചിത്രങ്ങള്‍ക്കു ശേഷം ജിജു അശോകന്‍ സംവിധാനം ചെയ്യുന്ന ചിത്രം കൂടിയാണിത്.
