അഞ്ജലി മേനോൻ ബിഗ് സ്ക്രീനിൽ തീർത്ത ചലച്ചിത്ര വിസ്മയം ബാംഗ്ലൂർ ഡേയ്സ് സിനിമ പ്രേമികളുടെ അരികിലെത്തിയിട്ട് ആറ്‌ വർഷങ്ങള്‍ തികയുന്നു.ബാംഗ്ലൂർ ഡേയ്സിലെ കുട്ടനും, അർജുനും, ദിവ്യയും, ദാസുമെല്ലാം ആരാധകരുടെ മനസ്സിൽ ഇന്നും മായാതെ നിൽക്കുന്ന കഥാപാത്രങ്ങളാണ്. അതുകൊണ്ട് തന്നെയാണ് ചിത്രത്തിന് റീമേക്ക് ഉണ്ടായതും. 2014 മേയ് 30നായിരുന്നു ബാംഗ്ലൂർ ഡേയ്സ് തിയേറ്ററുകളിലേക്ക് എത്തിയത്.
സിനിമയിലെ ഓരോ കഥാപാത്രങ്ങളെയും സിനിമ കാണുന്ന പ്രേക്ഷകൻറെ ഹൃദയത്തിലേക്ക് ഇറക്കിവിടുവാനും അഞ്ജലി മേനോന് സാധിച്ചു. അന്‍വര്‍ റഷീദ്, സോഫിയ പോള്‍ എന്നിവർ ചേർന്നാണ് ബാംഗ്ലൂര്‍ ഡേയ്സ് നിർമ്മിച്ചത്. ഉസ്താദ് ഹോട്ടലിന് ശേഷം അഞ്ജലി മേനോനും അൻവർ റഷീദും ഒരുമിച്ച ചിത്രം കൂടിയാണ് ബാംഗ്ലൂർ ഡെയ്സ്. ചിത്രത്തിന് ക്യാമറ ചലിപ്പിച്ചത് സമീര്‍ താഹിറായിരുന്നു.
