ദിലീപിന്റെ രാമലീല റിലീസ് ചെയ്യണമെന്ന് സംവിധായകന്‍ വിനയന്‍. നവാഗതനായ അരുണ്‍ ഗോപി സംവിധാനം ചെയ്ത് ടോമിച്ചന്‍ മുളകുപാടം നിര്‍മിച്ച ‘രാമലീല’ റിലീസ് ചെയ്യണമെന്നും അത് നല്ല പടമാണെങ്കില്‍ ജനങ്ങള്‍ കാണണമെന്നും വിനയന്‍ പറയുന്നു. ഏഷ്യാനെറ്റ് ന്യൂസിനോടായിരുന്നു വിനയന്റെ പ്രതികരണം.
ദിലീപിന്റെ സിനിമ ഇറങ്ങിയാല്‍ കാണാന്‍ പോകില്ലെന്നാരാണ് പറഞ്ഞതെന്നും വിനയന്‍ ചോദിക്കുന്നു. നടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിന്റെ സിനിമ ഒന്നു കണ്ടുകളയാം എന്ന് വിചാരിച്ച് എല്ലാവരും സിനിമ കണ്ടെങ്കിലോ? അങ്ങനെയെങ്കില്‍ പടം സൂപ്പര്‍ഹിറ്റ് ആകില്ലേ എന്നും വിനയന്‍ ചോദിക്കുന്നു.
ഇപ്പോള്‍ അതൊരു വെറും കേസായിട്ട് മാറിയിരിക്കുകയാണ് കോടതിയില്‍ നടക്കുകയാണ്. ആരും പ്രതീഷേധവുമായി രംഗത്ത് വരില്ല. രാമലീലക്കെതിരെ ഇവിടുത്തെ സംഘടനകളൊന്നും പ്രതിഷേധവും ആയിട്ട് വരുകയില്ലെന്നും വിനയന്‍ പറയുന്നു. പടം നല്ലതാണെങ്കില്‍ ഓടുമെന്ന് തന്നെ വിശ്വസിക്കുന്നു. - വിനയന്‍ പറഞ്ഞു.