കോഴിക്കോട് : എഴുത്തു ലോട്ടറി ചൂതാട്ട കേന്ദ്രത്തിൽ പോലീസ് നടത്തിയ മിന്നൽ പരിശോധനയിൽ 3 പേർ പിടിയിലായി. കോഴിക്കോട് ജില്ലയിലെ ഫറോക്ക് ചുങ്കം, മണ്ണൂർ വളവ്, നടുവട്ടം, ബേപ്പൂർ, നല്ലളം, മാത്തോട്ടം, ചക്കുംകടവ്, പന്തീരാങ്കാവ്, പെരുമണ്ണ എന്നീ ഒൻപത് കേന്ദ്രങ്ങളിൽ ഒരേ സമയത്തായിരുന്നു മിന്നൽ റെയ്ഡ്.
മണ്ണൂർ വളവിൽ നിന്ന് ഷാലു (33), നടുവട്ടത്തു നിന്ന് നൗഷാദ് (48), പെരിമണ്ണയിൽ നിന്ന് അമൽ പ്രകാശ് (27) എന്നിവരാണ് പിടിയിലായത്. ഇവരിൽ നിന്ന് 12350 രൂപയും 3 മൊബൈൽ ഫോണുകളും എഴുത്തു കടലാസുകളും പിടിച്ചെടുത്തു.
