പെരുമ്പാവൂരിലെ കുറുപ്പുംപടിയില്‍ ക്രൂരമായ പീഡനത്തിനിരയായി കൊല്ലപ്പെട്ട നിയമവിദ്യാര്‍ത്ഥിനി ജിഷയുടെ കൊലപാതകവുമായി ബന്ധപ്പെട്ട് സഹോദരി ദീപയുടെ ഫോണ്‍ കോള്‍ വിവരങ്ങളില്‍ നിന്ന് പൊലീസിന് നിര്‍ണായക തെളിവുകള്‍ ലഭിച്ചതായി റിപ്പോര്‍ട്ട്.
നിലവില്‍ ഫോണ്‍കോള്‍ വിവരങ്ങളുടെ അടിസ്ഥാനത്തിലാണ് അന്വേഷണം മുന്നോട്ട് പോകുന്നത്. ദീപയുടെ ഫോണിലേക്ക് സ്ഥിരമായി ഒരു അന്യസംസ്ഥാന തൊഴിലാളിയുടെ നമ്പറില്‍ നിന്ന് കോളുകള്‍ വരാറുള്ളതായി പൊലീസിന് വിവരം ലഭിച്ചിട്ടുണ്ട്. ഈ നമ്പറില്‍ നിന്ന് ജിഷയുടെ ഫോണിലേക്കും കോളുകള്‍ വന്നതായി പൊലീസിന് വിവരം ലഭിച്ചു.
ജിഷയുടെ സഹോദരി ദീപയെ വിശദമായി പൊലീസ് ചോദ്യം ചെയ്തേക്കും. ഇവര്‍ അന്വേഷണവുമായി സഹകരിക്കുന്നില്ലെന്ന് നേരത്തെ റിപ്പോര്‍ട്ടുകള്‍ പുറത്ത് വന്നിരുന്നു.