ദിലീപ് നല്‍കിയ പാരാതിയില്‍ അഡ്വക്കറ്റ് ഫെനി ബാലകൃഷ്ണനെ പൊലീസ് ചോദ്യം ചെയ്യും.നടിയുടെ കേസുമായി ബന്ധപ്പെട്ട് ഗൂഢാലോചന നടക്കുന്നുവെന്ന് ഫെനി തന്നോട് പറഞ്ഞെന്ന് ദിലീപ് ചോദ്യം ചെയ്യലില്‍ പറഞ്ഞിരുന്നു. ഇതിന്റെ അടിസ്ഥാനത്തിലാണ് ഫെനിയേ ചോദ്യം ചെയ്യാന്‍ പൊലീസ് തീരുമാനിച്ചത്.
ഫെനി മൂന്ന് തവണ തന്നെ വിളിച്ചിട്ടുണ്ടെന്ന് ദിലീപ് ചോദ്യം ചെയ്യലില്‍ പൊലീസിനോട് പറഞ്ഞിട്ടുണ്ട്.
അതേസമയം കോടതിയില്‍ കീഴടങ്ങുന്നതിന് പള്‍സര്‍ സുനിയുടെ സുഹൃത്തുക്കള്‍ മഹേഷ്, മനോജ് എന്നീവര്‍ തന്നെ സമീപിച്ചതായി ഫെനി ബാലകൃഷ്ണന്‍ വെളിപ്പെടുത്തി.
ചെങ്ങന്നൂരില്‍ വെച്ചായിരുന്നു കൂടിക്കാഴ്ച. കൂടിക്കാഴ്ചയില്‍ മാവേലിക്കര കോടതില്‍ കീഴടങ്ങാമെന്നും ഞങ്ങളുടെ മാഡത്തെ അറിയിച്ച ശേഷം പറയാമെന്നും പള്‍സറിന്റെ സുഹൃത്തുക്കള്‍ അറിയിച്ചതായും ഫെനി പറഞ്ഞു. ഫെനി ബാലകൃഷ്ണനെ സമീപിച്ച സുഹൃത്തുക്കള്‍ ആരാണെന്നും, ഇവര്‍ പറഞ്ഞ മാഡം ആരാണെന്നും പൊലീസ് അന്വേഷിക്കുന്നുണ്ട്.