അരൂര്‍ പാലത്തില്‍ നിന്ന് പിക്കപ്പ് വാന്‍ കായലില്‍ പതിച്ചുണ്ടായ അപകടത്തില്‍ അഞ്ചുപേരെ കാണാതായി. മലയാളിയായ വാന്‍ ഡ്രൈവര്‍ അടക്കം അഞ്ച് പേരെയാണ് കാണാതായത്. കാണാതായവരില്‍ മറ്റ് നാലുപേരും നേപ്പാള്‍ സ്വദേശികളാണ്.
അപകടം നടന്നത് വൈകുന്നേരം 6.30നാണ്. അപകടം നടന്ന് ആദ്യ രണ്ടുമണിക്കൂറില്‍ കാര്യമായ തിരച്ചില്‍ ഉണ്ടായില്ല. നേവിയുടെ ബോട്ട് ലഭ്യമായില്ല. മൂന്ന് മത്സ്യത്തൊഴിലാളികള്‍ ഒരു സാധാരണ വള്ളത്തില്‍ ടോര്‍ച്ച് തെളിയിച്ച് നടത്തിയ തിരച്ചില്‍ മാത്രമാണ് ആദ്യ മണിക്കൊറുകളില്‍ ഉണ്ടായിരുന്നത്.