16 വര്‍ഷങ്ങള്‍ക്ക് ശേഷമുള്ള ബലാത്സംഗ ആരോപണം പ്രഥമദൃഷ്ട്യ വിശ്വസിക്കാന്‍ സാധിക്കില്ലെന്ന് ഹൈക്കോടതി. പത്തനംതിട്ട സ്വദേശി ബിജു പി വിദ്യക്കെതിരായ ബലാത്സംഗ പരാതി കോടതി റദ്ദ് ചെയ്തു കൊണ്ടാണ് ഇക്കാര്യം പറഞ്ഞത്. 2001ല്‍ തന്നെ ബലാത്സംഗം ചെയ്തുവെന്ന് കാട്ടി യുവതി നല്‍കിയ പരാതിയാണ് കേസെടുത്തിരുന്നത്. 2021ല്‍ ബലാത്സംഗം നടന്നശേഷം 2017 ഫെബ്രുവരി 22നാണ് ഇര വിവരമൊഴി നല്‍കുന്നത്. ഇതിന്റെ അടിസ്ഥാനത്തില്‍ നാലുപേര്‍ക്കെതിരെയാണ് കേസ് രജിസ്റ്റര്‍ ചെയ്തത്. എന്നാല്‍ എഫ്‌ഐആറില്‍ മൂന്നു പേരെ ഒഴിവാക്കുകയും തനിക്കെതിരെ മാത്രമാണ് റിപ്പോര്‍ട്ട് നല്‍കിയതെന്നും പ്രതി ബിജു ചൂണ്ടിക്കാട്ടി.
