ഹേമ കമ്മിറ്റി റിപ്പോര്‍ട്ട് കൈയില്‍ വച്ചിട്ടാണ് മുകേഷിനെ സിപിഎം സ്ഥാനാര്‍ത്ഥിയാക്കിയതെന്ന് പ്രതിപക്ഷ നേതാവ് വി ഡി സതീശന്‍. സിപിഎമ്മില്‍ പവര്‍ ഗ്രൂപ്പ് പ്രവര്‍ത്തിക്കുന്നുവെന്നും ആരോപണ വിധേയരായ ആളുകളെ പൂര്‍ണമായി സംരക്ഷിക്കുന്ന നിലപാടാണ് സിപിഎം സ്വീകരിക്കുന്നതെന്നും പ്രതിപക്ഷ നേതാവ് പറഞ്ഞു. മലയാള സിനിമ നാണക്കേടിലേക്ക് പോകുന്നതിന്റെ ഉത്തരവാദി സംസ്ഥാനസര്‍ക്കാരാണെന്നും ആരോപണ വിധേയരായവരെ സംരക്ഷിക്കുന്നത് പ്രശ്‌നം കൂടുതല്‍ വഷളാക്കാന്‍ ഇടയാക്കുമെന്നും പ്രതിപക്ഷ നേതാവ് പറഞ്ഞു.
