വയലാർ രവി കോൺഗ്രസിന്റെ രാജ്യസഭാ സ്ഥാനാർത്ഥിയാകും. സംസ്ഥാനഘടകത്തിന്റെ നിർദേശം ഹൈക്കമാന്‍ഡ് അംഗീകരിച്ചു. സിപിഎമ്മിന്റെ രാജ്യസഭാ സ്ഥാനാർഥിയായി കെകെ രാഗേഷിനെ മത്സരിപ്പിക്കാൻ സംസ്ഥാന സെക്രട്ടേറിയറ്റ് നേരത്തെ തീരുമാനിച്ചിരുന്നു.
എംപി അച്യുതന്‍, വയലാര്‍ രവി, പി രാജീവ് എന്നിവരാണ് രാജ്യസഭയില്‍ നിന്ന് വിരമിക്കുന്നത്. കേരളത്തില്‍ നിന്ന് രാജ്യസഭയിലേക്ക് ഒഴിവു വരുന്ന മൂന്നു സീറ്റുകളിലേക്ക് ഏപ്രില്‍ 16 നാണ് വോട്ടെടുപ്പ്. ഇതു സംബന്ധിച്ച വിജ്ഞാപനം ഈ മാസം 30 ന് ഇറങ്ങും.