പല ആവശ്യങ്ങള്‍ക്ക് വേണ്ടി തിരുവനന്തപുരം നഗരത്തില്‍ എത്തുന്നവര്‍ അനുഭവിക്കുന്ന പ്രധാന ബുദ്ധിമുട്ട് വൃത്തിയുള്ള താമസസ്ഥലം ലഭിക്കാത്തതാണ്. നിരവധി ഹോട്ടലുകള്‍ ഉണ്ടെങ്കിലും കൊടുക്കുന്ന പണത്തിനു അനുസരിച്ചുള്ള സജ്ജീകരണങ്ങള്‍ അവിടെ ഉണ്ടാകണമെന്നില്ല. ആധുനിക സജ്ജീകരണങ്ങളോടെ നിങ്ങള്‍ക്ക് മികച്ച താമസ സൗകര്യം ഒരുക്കി തരുന്നവരാണ് ട്രൈവ് പോഡ്‌സ് ക്യാപ്‌സൂള്‍ ഹോട്ടല്‍. മൂന്ന് മണിക്കൂര്‍ മുതല്‍ 24 മണിക്കൂര്‍ വരെ ഇവര്‍ താമസസൗകര്യം നല്‍കുന്നുണ്ട്.
തിരുവനന്തപുരം കിള്ളിപ്പാലം റോഡില്‍ പിആര്‍എസ് ആശുപത്രിക്ക് സമീപമായാണ് ട്രൈവ് പോഡ്‌സ് ക്യാപ്‌സൂള്‍ ഹോട്ടല്‍ സ്ഥിതി ചെയ്യുന്നത്. കെപി നായര്‍ മെമ്മോറിയല്‍ ടവറില്‍ ഗ്രാന്‍ഡ് ഷെഫ് റസ്റ്റോറന്റിനു മുകളില്‍. തിരുവനന്തപുരം നഗരത്തില്‍ നിന്ന് വെറും രണ്ട് കിലോമീറ്ററില്‍ കുറവാണ് ഇങ്ങോട്ടുള്ള ദൂരം.
മൂന്ന് മണിക്കൂറിന് 299 രൂപയും ടാക്‌സുമാണ് ഇവര്‍ ഈടാക്കുന്നത്. ആറ് മണിക്കൂര്‍ നേരത്തേക്ക് 499 രൂപയും ടാക്‌സും. 24 മണിക്കൂറിലേക്ക് എത്തുമ്പോള്‍ 999 രൂപയും ടാക്‌സും. ക്യാപ്‌സൂള്‍ ടൈപ്പിലുള്ള മുറികളാണ് ഇവര്‍ പ്രൊവൈഡ് ചെയ്യുന്നത്. അതിനുള്ളില്‍ ടിവി, വൈഫൈ തുടങ്ങി തലയിണ, ബെഡ് ഷീറ്റ്, പുതപ്പ് എന്നിവയും ഉണ്ട്. വസ്ത്രങ്ങള്‍ ഇസ്തിരിയിടാന്‍ പ്രത്യേക സ്ഥലം, അതിഥികള്‍ വന്നാല്‍ ഇരിക്കാനുള്ള സ്ഥലം, വായിക്കാന്‍ പുസ്തകങ്ങള്‍, കുടിക്കാന്‍ ചൂടുവെള്ളം എന്നിവയും ഇവര്‍ നല്‍കുന്നു.
പൊതു ടോയ്‌ലറ്റുകളും ബാത്ത് റൂമുകളും ആണെങ്കിലും അവയെല്ലാം വളരെ വൃത്തിയുള്ളതാണ്. വസ്ത്രം മാറാനായി പ്രത്യേക സ്ഥലവും ഉണ്ട്. സ്ത്രീകള്‍ക്ക് മാത്രമായി നാല് പ്രത്യേക ക്യാപ്‌സൂള്‍ മുറികളും അതിനൊപ്പം ഒരു ടോയ്‌ലറ്റും വേറെയുണ്ട്.