'ഞാന്‍ സ്‌കൂളില്‍ പോയപ്പോള്‍ രണ്ട് അധ്യാപകര്‍ എന്നെ തടഞ്ഞു നിര്‍ത്തി. അവര്‍ എന്റെ അച്ഛന്റെ ഫോണ്‍ നമ്പര്‍ ചോദിച്ചു. അച്ഛന്‍ വന്നില്ലെങ്കില്‍ എന്നെ ക്ലാസ്സില്‍ കയറാന്‍ അനുവദിക്കില്ലെന്ന് പറഞ്ഞു. ഇന്നലെ എന്റെ മുടി വെട്ടി, പക്ഷേ ശരിയായി വെട്ടിയിട്ടില്ല എന്നാണ് അധ്യാപകന്‍ പറഞ്ഞത്. മൂന്ന് മണിക്കൂര്‍ അവര്‍ എന്നെ ക്ലാസിന് പുറത്ത് നിര്‍ത്തി'- വിദ്യാര്‍ത്ഥി പറയുന്നു.
കുട്ടിയുടെ പിതാവിനെ വിളിച്ച് സ്‌കൂളില്‍ വരാന്‍ അധ്യാപകര്‍ ആവശ്യപ്പെട്ടു. എന്നാല്‍ താന്‍ വൈകുന്നേരം കുട്ടിയുടെ മുടി ശരിയായി വെട്ടിക്കാമെന്ന് പറഞ്ഞെങ്കിലും കുട്ടിയെ ക്ലാസ്സില്‍ കയറ്റാന്‍ അധ്യാപകര്‍ സമ്മതിച്ചില്ലെന്നാണ് പിതാവ് പറയുന്നത്. പിതാവിന്റെ പരാതിയെ തുടര്‍ന്ന് അടൂര്‍ സര്‍ക്കിള്‍ ഇന്‍സ്‌പെക്ടര്‍ ഉള്‍പ്പെടെയുള്ള സംഘം സ്‌കൂളില്‍ എത്തിയിരുന്നു.
