കുമ്മനം രാജശേഖരൻ മിസോറാം ഗവർണറായി നിയമിതനാകുന്നതോടെ കേരളത്തിലെ ബി ജെ പിയുടെ അധ്യക്ഷസ്ഥാനത്തേക്ക് കെ സുരേന്ദ്രനെയോ ശോഭാ സുരേന്ദ്രനെയോ പരിഗണിക്കാൻ സാധ്യത.
അടുത്ത രണ്ടോ മൂന്നോ ദിവസത്തിനകം സംസ്ഥാന അധ്യക്ഷന്റെ കാര്യത്തിൽ തീരുമാനമുണ്ടാകുമെന്നാണ് സൂചന. 2019-ലെ ലോക്‌സഭാ തിരഞ്ഞെടുപ്പ് മുന്നിൽക്കണ്ടുകൊണ്ടാണ് കേന്ദ്രനേതൃത്വം ഇത്തരത്തിലുള്ള ചില മാറ്റങ്ങൾ ആസൂത്രണം ചെയ്യുന്നത്.
എം ടി രമേഷ്, പി കെ കൃഷ്‌ണദാസ് എന്നിവരുടെയൊക്കെ പേരുകൾ പരിഗണനയിൽ ഉണ്ടെങ്കിലും കൂടുതൽ സാധ്യത കെ സുരേന്ദ്രനും ശോഭാ സുരേന്ദ്രനുമാണ്. നിലവിലുള്ള മറ്റെല്ലാ ഭാരവാഹികളിലും മാറ്റംവരുത്തുമെന്നും സൂചനയുണ്ട്.