എക്സൈസ് വകുപ്പ് സ്കൂളിൽ നൽകിയ ബോധവത്കരണ പരിപാടിയിൽ നിന്നും പ്രചോദനമുൾക്കൊണ്ട് കൊണ്ടാണ് വിദ്യാർഥിനി വീടിനടുത്ത് നടന്നുവരുന്ന കഞ്ചാവ് വിൽപ്പനയെ പറ്റിയുള്ള വിവരങ്ങൾ പോലീസിൽ അറിയിച്ചത്. എന്നാൽ കഞ്ചാവ് വിൽപ്പനക്കാരെ അറസ്റ്റ് ചെയ്യാനോ വിൽപ്പന തടയാനോ പോലീസ് തയ്യാറായില്ല. മറിച്ച് വിവരം അറിയിച്ച പെൺകുട്ടിയുടെ വിവരം പുറത്താകുകയും മാഫിയയിൽ നിന്നും ഭീഷണിയും മർദ്ദനവും ലഭിക്കുകയാണ് ചെയ്തത്. ലഹരിമാഫിയയെ പേടിച്ച് പെൺകുട്ടിയുടെ പഠനം തന്നെ നിലവിൽ തടസ്സപ്പെട്ടിരിക്കുകയാണ്.
