മറുനാടന്‍ മലയാളി ഓണ്‍ലൈന്‍ ചാനല്‍ ഉടമ ഷാജന്‍ സ്‌കറിയ അറസ്റ്റില്‍. തൃക്കാക്കര പൊലീസ് രജിസ്റ്റര്‍ ചെയ്ത കേസിലാണ് അറസ്റ്റ്. മറ്റൊരു കേസിന്റെ ഭാഗമായി നിലമ്പൂര്‍ പൊലീസ് സ്റ്റേഷനിലെത്തിയപ്പോഴാണ് തൃക്കാക്കര പൊലീസ് ഷാജന്റെ അറസ്റ്റ് രേഖപ്പെടുത്തിയത്. മതവിദ്വേഷം പ്രചരിപ്പിക്കുന്ന വാര്‍ത്ത ചെയ്തതിനാണ് ഷാജനെതിരെ നിലമ്പൂര്‍ പൊലീസില്‍ കേസുള്ളത്.
കേന്ദ്ര സര്‍ക്കാര്‍ സ്ഥാപനമായ ബി.എസ്.എന്‍.എല്ലിന്റെ പേരില്‍ വ്യാജ ബില്‍ തയ്യാറാക്കിയ കേസിലാണ് ഷാജന്റെ അറസ്റ്റ് രേഖപ്പെടുത്തിയത്. മറ്റൊരു കേന്ദ്ര സര്‍ക്കാര്‍ സ്ഥാപനമായ രജിസ്ട്രാര്‍ ഓഫ് കമ്പനീസില്‍ ഈ വ്യാജ ബില്‍ സമര്‍പ്പിച്ച് സ്വന്തം കമ്പനി രജിസ്റ്റര്‍ ചെയ്തതാണ് ഷാജന്റെ പേരിലുള്ള കുറ്റം.