സന്നിധാനത്ത് ശരണംവിളിക്ക് വിലക്കുണ്ടെന്ന പ്രചരണം നുണയാണ്. ഇത്തരത്തിലുള്ള ഒരു വിലക്കും അവിടെ ഇല്ല. തീര്‍ഥാടകര്‍ക്ക് സുഗമ ദര്‍ശനമാണ് ലഭിക്കുന്നത്. അവര്‍ സംതൃപ്തിയോടെയാണ് മടങ്ങുന്നത്. എന്നാല്‍ ചിലര്‍ ബോധപൂര്‍വം തെറ്റായ പ്രചരണങ്ങള്‍ നടത്തുകയാണ്. അവര്‍ക്ക് മറ്റു ചില ലക്ഷ്യങ്ങളാണ്. അക്കാര്യം എല്ലാവരും ഇപ്പോൾ മനസിലാക്കി വരുന്നുണ്ട്.
സുപ്രീംകോടതിവിധി പ്രകാരം അവിടെ എത്തുന്നവര്‍ക്ക് സൗകര്യങ്ങള്‍ ഒരുക്കേണ്ട ബാധ്യത സര്‍ക്കാരിനുണ്ട്. പ്രളയാനന്തരം നവകേരളത്തെ പടുത്തുയുർത്തുന്നതിന്റെ പണിപ്പുരയിലാണ് സർക്കാർ. നാട് ഉയിര്‍ത്തെഴുന്നേല്‍ക്കരുതെന്ന് ആഗ്രഹിക്കുന്ന വിരലിലെണ്ണാവുന്ന സങ്കുചിത താത്പര്യക്കാരുണ്ട്. അവരെ അവഗണിച്ച് നാടും സമൂഹവും മുന്നോട്ടു പോകും.
