ശബരിമലയിലെ സ്ത്രീപ്രവേശനം സംബന്ധിച്ച വിഷയത്തിൽ പമ്പയടക്കമുള്ള സ്ഥലങ്ങളിൽ സംഘർഷം ശക്തമായിരിക്കുകയാണ്. സുപ്രീം കോടതിയിൽ വൻ പ്രതിഷേധമാണ് ഉയരുന്നത്. പമ്പയിൽ ഇന്നലെ മാധ്യമപ്രവർത്തകർക്ക് നേരേയും പൊലീസുകാർക്ക് നേരേയും വിശ്വാസികൾ എന്ന് അവകാശപ്പെടുന്ന ഒരു കൂട്ടം ആളുകൾ അക്രമണം അഴിച്ചു വിട്ടിരുന്നു.
നിലയ്ക്കലിലും പമ്പയിലും കാനനപ്രദേശങ്ങളിലും സംഘർഷം നടത്തുകയും അക്രമം അഴിച്ചു വിടുകയും ചെയ്തത് ആദിവാസികളാണെന്ന് അയ്യപ്പ ധർമ സേനാ നേതാവ് പ്രശാന്ത് ഉണ്ണികൃഷ്ണൻ. വിദ്യാഭ്യാസമില്ലാത്ത മലയന്മാരും ആദിവാസികളുമാണ് അക്രമം നടത്തിയതെന്ന് പ്രശാന്ത് ഒരു ദേശീയ മാധ്യമത്തോട് പറഞ്ഞു.
രക്തം തിളച്ച് ജനങ്ങൾ സ്വയം തീരുമാനിച്ച് ചെയ്യുന്നതാണിതെല്ലാം. അതിനാൽ ഞങ്ങൾക്ക് നിയന്ത്രിക്കാൻ കഴിയില്ല എന്നാണ് പ്രശാന്ത് പറഞ്ഞത്. അതേസമയം, അക്രമത്തിന് ചുക്കാൻ പിടിച്ചത് ആദിവാസികൾ അല്ല എന്നുള്ളത് വീഡിയോകളിലൂടെ വ്യക്തമാകുന്നതാണ്.