അലിഭായ് എന്ന പേരിൽ അറിയപ്പെടുന്ന ഓച്ചിറ സ്വദേശിയായ ആളാണ് കൊലപാതകത്തിന്റെ മുഖ്യ ആസൂത്രകൻ എന്നാണ് പൊലീസ് പറയുന്നത്. ഇയാൾ സംഭവം നടക്കുന്നതിന് ഒരു ദിവസം മുൻപ് നാട്ടിൽ എത്തിയിരുന്നതായും രണ്ട് ദിവസങ്ങൾക്ക് ശേഷം ഖത്തറിലേക്ക് മടങ്ങിയതായും പൊലീസ് കണ്ടെത്തിയിട്ടുണ്ട്. ഇയാളെ നാട്ടിലെത്തിക്കാനുള്ള ശ്രമത്തിലാണ് ഇപ്പോൾ പൊലീസ്.
കായംകുളം അപ്പുണ്ണി എന്നയാൾക്കും മറ്റുരണ്ട്പേർക്കും കോലപാതകത്തിൽ നേരിട്ടു പങ്കുണ്ടെന്ന് പൊലീസ് നേരത്തെ കണ്ടെത്തിയിരുന്നു. ഇയാളും ഖത്തറിൽ തന്നെ ജോലിചെയ്യുന്ന ആളാണ്. ഇവർ ഒരുമിച്ചാവാം രാജ്യം വിട്ടത് എന്ന് പൊലീസ് പറയുന്നു. ഇവർ നട്ടിൽ വന്നത് രേഖയില്ലാതിരിക്കാനാണ് വ്യാജ പാസ്‌പോർട്ട് ഉപയോഗിച്ചത്. ഇതോടെ പ്രതികൾ നാട്ടിലുണ്ടായിരുന്നില്ല എന്ന് തെളിയിക്കാനാണ് ഈ മാർഗം സ്വീകരിച്ചത് എന്നും പൊലീസ് പറയുന്നു.
