തിരുവനന്തപുരം : കടയ്ക്കാവൂരിൽ യുവതിക്കു നേരെ ലൈംഗികാതിക്രമം നടത്തിയ സംഭവത്തിൽ 24 കാരനെ പോലീസ് അറസ്റ്റ് ചെയ്തു. കീഴാറ്റിങ്ങൽ പെരുംകുളം കാട്ടുവിള വീട്ടിൽ അച്ചു എന്ന ശരതിനെയാണ് പോലീസ് അറസ്റ്റ് ചെയ്തത്.
കടയ്ക്കാവൂർ പോലീസ് പരിധിയിലുള്ള ഇടയിക്കോട് കോളനിക്കടുത്തു താമസിക്കുന്ന യുവതിക്കുനേരെയാണ് ഇയാൾ അതിക്രമം നടത്തിയത്. കടയ്ക്കാവൂർ പോലീസാണ് പ്രതിയെ പിടികൂടിയത്.
പ്രതിക്കെതിരെ കൊലപാതകശ്രമ കേസുൾപ്പെടെ നിരവധി കേസുകൾ ഉണ്ടെന്ന് കടയ്ക്കാവൂർ പോലീസ് അറിയിച്ചു. ഒളിവിലായിരുന്ന പ്രതിയെ കടയ്ക്കാനൂർ എസ്.എച്ച് ഒ സജിൻ ലിസിൻ്റെ നേതൃത്വത്തിലുള്ള പോലീസ് ആണ് അറസ്റ്റ് ചെയ്തത്.