കലൂരിൽ ഒന്നരവയസുകാരിയെ ഹോട്ടൽ മുറിയിൽ വെച്ച് കൊലപ്പെടുത്തി. കുഞ്ഞിന്റെ അമ്മൂമ്മയുടെ കാമുകനാണ് കൊലപ്പെടുത്തിയത്. പള്ളുരുത്തി സ്വദേശി ജോൺ ബിനോയ് ഡിക്രൂസിനെ പോലീസ് അറസ്റ്റ് ചെയ്‌തു. സംഭവത്തിൽ കുട്ടിയുടെ അമ്മൂമ്മയുടെ പങ്കിനെ പറ്റി പോലീസ് ചോദ്യം ചെയ്‌തു വരികയാണ്.
കുഞ്ഞിന്റെ അമ്മയ്ക്ക് വിദേശത്താണ് ജോലി. കുഞ്ഞിനെ നോക്കാൻ ഇവർ അമ്മയുടെ അടുത്ത് ഏൽപ്പിച്ചിരുന്നത്. കഴിഞ്ഞ ശനിയാഴ്‌ച്ചയാണ് അമ്മൂമ്മയും കുഞ്ഞും പ്രതിയും കലൂരിലെ ഹോട്ടലിൽ മുറിയെടുത്തത്.രാത്രി ഇവർ ആശുപത്രിയിൽ എത്തിക്കുമ്പോഴേക്ക് കുഞ്ഞ് മരിച്ചിരുന്നു. ഹോട്ടൽ അധികൃതർ അറിയിച്ചതിനെ തുടർന്ന് പോലീസ് അസ്വാഭാവിക മരണത്തിന് കേസെടുക്കുകയും അന്വേഷണം നടത്തുകയുമായിരുന്നു.
പോസ്റ്റ് മോർട്ടം റിപ്പോർട്ടിൽ കൊലപാതക സാധ്യത ഉയർന്നതോടെയാണ് പോലീസ് അമ്മൂമ്മയേയും ഒപ്പമുണ്ടായിരുന്ന കാമുകൻ ജോൺ ബിനോയി‌യേയും ചോദ്യം ചെയ്‌തത്. കുഞ്ഞിനെ പ്രതി ബക്കറ്റിൽ മുക്കി കൊല്ലുകയായിരുന്നുവെന്നാണ് വിവരം. കുഞ്ഞിനെ കൊലപ്പെടുത്തുക എന്ന ലക്ഷ്യത്തോടെയാണ് ഇവർ മുറിയെടുത്തത് എന്നാണ് സംശയിക്കുന്നത്. മുറിയെടുക്കുംപോൾ ഇവരുടെ പെരുമാറ്റത്തിൽ അസ്വാഭാവികത ഉണ്ടായിരുന്നതായി ഹോട്ടൽ ജീവനക്കാർ മൊഴി നൽകി.