ചുഴലിക്കാറ്റ് വിതച്ച ദുരിതത്തില്‍ മരണപ്പെട്ടവരുടെ എണ്ണം 26 ആയി. എഴുപതോളം പേരെ കഴിഞ്ഞ ദിവസം കടലിൽ നിന്നും രക്ഷപ്പെടുത്തിയിരുന്നു. കടൽ പോയ 96ഓളം മത്സ്യത്തൊഴിലാളികളെ ഇനിയും കണ്ടെത്താനുണ്ടെന്ന് സർക്കാർ അറിയിച്ചു. തിരുവനന്തപുരം, കൊല്ലം എന്നിവിടങ്ങളില്‍ നിന്നുള്ള തൊഴിലാളികളാണ് ഇതില്‍ കൂടുതല്‍.
അതേസമയം, ദുരിത ബാധിത മേഖലകള്‍ ഇന്ന് കേന്ദ്ര പ്രതിരോധമന്ത്രി നിര്‍മല സീതാരാമന്‍ സന്ദര്‍ശിക്കും. ഓഖി ചുഴലിക്കാറ്റിനുള്ള മുന്നറിയിപ്പ് നല്‍കുന്നതില്‍ വീഴ്ചപറ്റിയതിന് ദുരന്ത നിവാരണ അതോറിറ്റി ഓഫീസുകളിലേക്ക് മത്സ്യതൊഴിലാളികള്‍ ഇന്ന് മാര്‍ച്ച് നടത്തും.
