നീനുവിന്റെ മാതാവിന്റെ സഹോദരീ പുത്രനായ പൊലീസ് കസ്‌റ്റഡിയിലായ നിയാസും മറ്റ് ബന്ധുക്കളും ബന്ധം ഒഴിയണമെന്ന് ആവശ്യപ്പെട്ടിരുന്നു. കെവിനെ അന്വേഷിച്ച് തന്റെ ബന്ധുക്കൾ നടക്കുന്നതായുള്ള വിവരം തനിക്ക് ലഭിച്ചിരുന്നുവെന്നും നീനു പറഞ്ഞു. ഈ ബന്ധത്തിൽ നിന്ന് പിന്മാറിയില്ലെങ്കിൽ വെട്ടിക്കൊല്ലുമെന്നാണ് നിയാസ് ഭീഷണിപ്പെടുത്തിയിരുന്നത്.
അതേസമയം, നിയാസ് നിരപരാധിയാണെന്ന് പറഞ്ഞ് അമ്മ ലൈലാബീവി രംഗത്തെത്തി. ഡ്രൈവറെ ആവശ്യമുണ്ടെന്ന് പറഞ്ഞ് മകനെ വീട്ടിൽ നിന്ന് ഷാനു ചാക്കോ കൂട്ടിക്കൊണ്ട് പോകുകയായിരുന്നുവെന്ന് ലൈലാബീവി വെളിപ്പെടുത്തി. നീനുവിന്റെ മാതാപിതാക്കൾ വീട്ടിലെത്തി കാര്യങ്ങൾ പറയുമ്പോഴായിരുന്നു കെവിൻ കൊല്ലപ്പെട്ട കാര്യം അറിയുന്നതെന്നും അവർ പറഞ്ഞു.
